Detalle

Programa de visitas guiadas á Escola de Cantería para alumnos de 3º e 4º da ESO

01 de febreiro de 2017

A Deputación de Pontevedra pon en marcha, desde febreiro ata xuño de 2017, un proxecto de visitas guiadas á Escola de Cantería. Estas visitas, destinadas á totalidade do alumnado de 3º e 4º da ESO dos centros de ensino secundario da provincia, terán lugar de luns a xoves, de 9:30 a 11:30 h, ou de luns a mércores, de 16:00 a 17:30 h. Cunha duración aproximada de 45 minutos, teñen por finalidade que os mozos e mozas poidan coñecer de primeira man a relevancia desta escola na recuperación e mantemento dun dos oficios máis ancestrais, así como na conservación do patrimonio histórico-artístico da provincia.

Cada centro poderá escoller a data e o horario que máis lle conveña; a reserva das visitas realizarase a través do número de teléfono 886 201 550 ou mediante o correo electrónico carmen.fernandez@depo.es.